TOP QUESTIONS – IN HMONG | HMOOB

SOCIAL MEDIA GRAPHICS

Thawj zaug peb “Xov Xwm tawm” txog txog cov kab mob coronavirus, rau Hnub Tim 28, Lub Ob Hlis Ntuj, Xyoo 2020,, tshwm sim ntau tsab e-mail tuaj nug uas peb teb tsis tau saum thaum peb tab tom xov xwm tawm. Nov yog rau lo lus neeg nquag nug tshaj plaws, muaj lus teb los ntawm Minnesota Department of Health (MDH) thiab Dr. Craig Bowron, uas yog Twin Cities ib tug kws kho mob.

Puas muaj tseeb tias lwm haiv neeg yuav kis tau tus kab mob COVID-19 no yoojyim dua?

MDH: Lwm haiv neeg thiab cov Qhab Meskas uas lub neej tsis sib xws luag (nyiaj txiag, vaj tse, haujlwm, lwm yam) uas ua rau lawv muaj ntau yam kev mob kev nkeeg thiab mob loj. Lwm haiv neeg thiab cov Qhab Meskas, uas yog cov neeg thoj nam thiab cov neeg tawg rog, feem ntau kuj ua haujlwm hauv tej tuam txhab uas yog “cov haujlwm tseem ceeb” xws li cov tuam txhab tsim khoom ub khoom no, ua khoom noj khoom haus, thiab tej zaum kuj nyob rau tej chaw uas tus kab mob COVID-19 yuav kis tau yog tias tsis muaj ib txojkev npaj tseg los tiv thaiv. Qhov uas MDH ua yog xav kom txhua tus muaj kev tiv thaiv tsis hais yog haiv neeg twg, muaj ntaub ntawv ntau nthuav tawm rau txhua txhia qhov, ceev tseg tej kev tshuaj ntsuam thiab kev kuaj rau txhua tus.

Thaum twg thiab kuv yuav ua cas thiaj kuaj tau yog tias kuv xav tias kuv muaj cov tsos mob ntawd?

Dr. Bowron: Ua ntej ntawd, yuav tsum pom tias qhov uas kuaj seb yus puas tseem tabtom muaj tus kab mob Covid-19 (“RT-PCR,” lossis “PCR”) txawv ntawm qhov uas kuaj yav tas los tiamsis zoo lawm (“serology,” “antibody,” “immunoglobulin”).

Lub CDC tau cia lub xeev health department ua tus kuaj qhov no, thiab nyob rau hauv Minnesota, lub Minnesota Department of Health, tej koom haum kho mob thiab cov tsev kho mob muaj homphiaj tias yuav kuaj txhua tus uas muaj cov tsos mob no. Txawm tias muaj kev kuaj ntau dua tuaj lawm los, tiamsis tseem tsis ntau txaus, yog li yuav kuaj cov uas muaj tus mob hnyav-dua ua ntej xws li cov uas twb pw tom tsev kho mob lawm, cov tsev uas muaj neeg nyob coob los yog cov uas nyob hauv tsev laus, cov uas muaj tus mob loj, cov uas nyob/ua haujlwm rau thajtsam uas muaj tus kab mob, thiab lwm yam. Txawm tias MDH tseem kuaj tus kab mob Covid-19 los, feem ntau cia rau cov koom haum kho mob thiab lwm cov tsev kuaj kab mob. MDH tsis yog tus saib xyuas tej no. Hu rau koj tus kws kho mob/koom haum yog tias koj xav kuaj.

https://www.health.state.mn.us/diseases/coronavirus/hcp/eval.html

Thaum xub thawj tau hais tias yog npog qhov ncauj qhov ntswg ces yuav tsis tiv thaiv yus ntawm tus kab mob COVID-19. Tsis ntev no, tibneeg pib npog qhov ncauj qhov ntswg coob zuj zus tuaj lawm. Puas tsimnyog kuv pib npog thiab? Thaum twg thiab rau qhov twg?

Dr. Bowron: Qhov uas hais tias leejtwg yuav tsum npog tsis npog no qhia tias yeej nyuaj tshaj tawm txog kev noj qab haus huv rau txhua tus. Thawj thawj zaus tau hais mas yog, vim tsis muaj cov npog qhov ncauj qhov ntswg txaus thiab cov uas muaj tus kab mob tsis coob heev, ces thiaj hais tias tsis tsimnyog rau cov hluas npog. Peb xav tseg rau cov uas yuav kis tau yoojyim—cov uas ua haujlwm hauv tsev kho mob thiab cov uas kuaj tau tias twb muaj tus kab mob lawm. Peb tseem txuag cov ntaub npog qhov ncauj qhov ntswg, tiamsis vim tias tus mob Covid-19 kis tau mus rau txhua txhia qhov chaw hauv lub zej lub zos lawm, ces peb xav kom txhua tus yuav tsum npog qhov ncauj qhov ntswg lossis sib dabtsi los npog (thov, tsis txhob siv cov ntaub npog phais mob lossis cov N-95,) rau tej lub sijhawm uas yus nrug tsis tau deb ntawm lwm tus.

https://www.health.state.mn.us/diseases/coronavirus/prevention.html

Yog tias tus kab mob no kis tau los ntawm qhov uas yus kov tej ub tej no ces rov los kov yus lub ntsej muag, tiamsis ua cas thaum tus kab mob no nyob ntawm tej khoom noj khoom haus (ib tug twg uas muaj tus kab mob tau hnoos lossis txham rau) es yus muab noj ua cas ho tsis ua rau yus kis tau tus kab mob ntawd?

Dr. Bowron: Yog ib lo lus nug zoo, yeej tsimnyog koj xav li ko, raws li lub CDC, “Tamsim no tsis muaj pov thawj dabtsi qhia tau tias tus kab mob COVID-19 no yuav kis tau ntawm tej khoom noj khoom haus.” Tseeb tiag, khoom noj khoom haus yog ib qho chaw uas tej pa hws poob tau rau, ib yam li ntawm tej chaw ua noj, pob qhov rooj, tej keyboard thiab lwm yam zoo li no. Tiamsis raws li CDC tau pom, “Raws li tau kuaj ntsuam, vim tus kab mob coronaviruses nyob tsis tau ntev ntawm tej chaw no, ces tej zaum kis tsis tau los ntawm tej khoom noj khoom haus lossis tej pob khoom uas muab xa mus rau ub rau no mus lawm tsheej hnub lossis tsheej lub lim tiam uas nyob rau tej qho chaw, tso rau qhov chaw txias txias, lossis khov.”

Thaum hais txog cov zaub mov noj siav nev? Yog tias muab xam tias tus npaj tej zaub mov noj ua raws li txoj cai npaj mov es ua huv siab si, yog lub thawv ntim pizza tsis yog pizza, yog lub hnab ntim lub sandwich tsis yog lub sandwich, lwm yam zoo li no uas yuav muaj taus tus kab mob nyob rau ntawd. Muab cov zaub mov thau los tso rau hauv ib qho chaw lossis lub tais huv, ntxuav koj txhais tes, ces cia li noj xwb. Qhov no yeej yog qhov ib txwm hais kom ua thiaj li tsis muaj mob, ua ntej muaj tus kab mob Covid-19.

https://www.cdc.gov/foodsafety/newsletter/food-safety-and-Coronavirus.html

Ib tug neeg laus puas yuav kis tau tus kab mob no yoojyim yog tias nws tej roj ntsha tseem ntaus tau kab mob zoo?  

Dr. Bowron: Muaj pov thawj qhia tias thaum yus laus zuj zus ces yus tej roj ntsha uas tua kab mob kuj qaug zog zuj zus lawm thiab, txawm yus laus los hluas, yog tias tsis tau kis tau tus kab mob tshiab (“novel”) dua li uas zoo li Covid-19, lub cev yuav tsis muaj dabtsi los ntau yeej tus kab mob tshiab no, ces yeej yuav kis tau xwb. Thaum kis tau lawd, yog koj cov roj ntsha ntaus kab mob muaj zog ces, koj yuav mob tsis ntev, tsis sab tsis hnyav npaum. Yog hais txog lo lus “laus laus,” peb paub tias tus neeg ntawd muaj hnub nyoog nchav lawm (hais txog muaj pestsawg xyoo) tsis tseem ceeb npaum li seb lawv lub cev ntaj ntsug laus los hluas, tiamsis yoojyim ntsuas qhov hnub nyoog dua.

Kuv yuav mus nrhiav qhov twg thiaj tau cov lus qhia txaus ntseeg hais txog mus ncig teb chaws?

MDH: CDC yeej kho lawv lub website tas lis kom muaj cov lus qhia rau neeg paub yuav pom zoo rau lub caij ntawd hais txog kev yuav mus ua si ncig ntiaj teb. Koj mus nrhiav cov lus qhia ntxiv txog cov kab mob Coronavirus Disease 2019 Cov Lus Qhia Txog Kev Ua Si Ncig Ntiaj
Teb: https://www.cdc.gov/coronavirus/2019-ncov/travelers/index.html.

Dr. Bowron: [Raws li koj yuav pom hauv lub website…] Qhov kev qhia kom ceev faj siab tshaj plaws yog “Ceeb Toom Theem 3: Zam Txhob Mus Ncig Yog Tis Tseem Ceeb,” tag ces yog “Ceeb Toom Theem 2: Tau Ceev Faj Heev Dua.”

Cov hnub nyoog twg yog cov yuav raug kev muaj mob loj tshaj?

MDH: Cov neeg laus thiab cov neeg uas muaj qee yam kev mob nkeeg zoo li kab mob plawv, kab mob ntsws thiab ntshav qab zib, piv txwv, zoo li lawv muaj feem yuav muaj mob hnyav ntau dua.
Dr. Bowron: Cov neeg ntawm txhua lub hnub nyoog yeej kis tau tus kab mob coronavirus, tabsis ze li ntawm 80% feem pua ntawm cov neeg raug mob nyob rau hauv Suav teb chaws, muaj hnub nyoog li 30 rau 69 xyoo. Feem ntau cov uas tau mob hnyav lossis tau tuag yog cov laus dua (pib txij hnub nyoog 50 xyoo tabsis cov hnub nyoog 80 xyoo rov sauv yog cov feem coob) thiab/lossis muaj lwm yam mob nkeeg.

Leej twg yog cov ntsuam xyuas COVID-19, thiab tam sim no leej twg raug kuaj xwb?

MDH: Lub sijhawm no Minnesota Department of Health Lab tab tom soj ntsuam xyuas COVID-19. CDC nyuam qhuav kho lawv cov kev tsim nyog kuaj. Cov kws kho mob yuav tsum siv lawv txoj kev txiav txim siab los ntsuas seb tus neeg mob puas muaj cov tsos mob zoo li cov COVID-19 thiab seb tus neeg mob puas tsim nyog kuaj ntxiv. Hauv Minnesota, nws yeej muaj lwm yam kab mob ua pa, xws li khaub thuas, li ntawd cov kws kho mob yuav nug txog tej yam xws li keeb kwm ncig teb chaws thiab lwm yam ntxiv thaum yuav txiav txim siab txog kev soj ntsuam mus ntxiv.

Qhov chaw zoo tshaj plaws los nrhiav cov ntaub ntawv hais txog COVID-19 yog Minnesota Department of Health website: https://www.health.state.mn.us/index.html

Dr. Bowron: Cov kws kho mob saib xyuas ib tus neeg mob uas lawv ntseeg tias tsim nyog kuaj seb puas mob coronavirus hu rau MDH thiab tham txog tus neeg ntawv tus mob. Yog tias MDH tus neeg ua hauj lwm pom zoo thiab, ces tus kws kho mob muab ib qho kua los ntawm ob lub qhov ntswg thiab qhov ncauj xa mus rau MDH ntsuam xyuas mus ntxiv. Tiamsis, yog MDH cov neeg tshawb fawb pom tias ib tug “Neeg Raug Kuaj”, lawv tuaj yeem ua tus soj ntsuas xyuas kiag los yeej tau.

Tus kab mob yuav muaj taug kis ntev npaum li cas nyob rau ntawm tej chaw?

Dr. Bowron: Tej zaum yuav muaj taug kis nyob li ob peb teev, tabsis nyob ntawm tej qhov chaw xwb thiab. Feem ntau tus kab mob kis tau los ntawm cov tee dej thaum ua pa—cov tee dej kua ntswg me me. Cov hnoos qeev hauv cov tee dej no ua kom tus kab mob noo thiab nyob ciaj sia. Tej yam khoom xws li daim ntaub thiab daim ntawv so ntswg uas cua tshuab tshiab, thaum nws qhuav ces kab mob tuag. Cov chaw uas cua tshuab tsis tshiab xws li hlau thiab yas, muab sijhawm ntxiv rau tus kab mob nyob tos.

Cov neeg mob puas rov qab zoo hlo?

Dr. Bowron: Lawv tuaj yeem zoo tau thiab yeej zoo tiag. Tiamsis cov neeg muaj mob ntev los lawm lossis muaj tus kab mob coronavirus hnyav dua yeej siv sijhawm ntev mam zoo hlo.

Kuv yuav ua li cas thiaj paub tias yuav tsum caiv tsis tawm?

Dr. Bowron: Yog tias koj muaj cov tsos mob ntawm cov mob ua pa, txawm licas los koj yuav tsum “caiv tsis tawm” tsis hais tau tus kab mob twg, coronavirus, khaub thuas, rhinovirus los yog lwm yam mob. Ib lo lus nug yooj yim soj ntsuam yog, “Kuv puas xav ua haujlwm nrog, lossis zaum nrog, lossis taug kev puab ib tug neeg muaj mob li kuv?” Tiamsis, qhov tseeb tiag yuav tshem yus tus kheej deb ntawm ntiaj teb tib neeg tsis yooj yim, tabsis peb yuav tsum ua txhua yam kom pab tiv thaiv lwm tus. Yog li ntawm yam tsawg kawg, cov neeg muaj mob yuav tsum txo lawv lub sijhawm tawm ntawm pej xeem, xyaum tu cev kom huv si (looj daim npog qhov ncauj, ntxuav tes thiab lwm yam) thiab zam txheeb zeb, phooj ywg, lossis cov pab pawg uas yuav kis yooj yim tus mob coronavirus, xws li cov muaj mob ntev los lawm. Thiab vim tib neeg yim mob heev yim kis yooj yim, yog li yus yim mob heev ces yuav tsum yim caiv txhob mus qhov twg.

This content prepared in multiple languages linguists supported by TPT NOW, Channel 2.5. https://www.tpt.org/post/introducing-tpt-now/

Cov ntsiab lus no npaj tau rau ntau hom lus txhawb nqa los ntawm TPT NOW, Tshooj 2.5. https://www.tpt.org/post/introducing-tpt-now/

We recognize translations may not be 100% but continue to work on best method with support from local linguists. Thank you. Questions? Contact [email protected]