Watch Live
Lus Hmoob

Lus Hmoob

Lus Hmoob

TPT NOW ua hauj lwm nrog cov neeg koom tes tshaj xov xwm fab kab lis kev cai thoob plaws Twin Cities (Nroog Ntxaib) los muab cov ntsiab lus qhia txog kev noj qab haus huv, huab cua, kev nyab xeeb, thiab xwm txheej ti tes ti taw rau koj lub zej zog. Nyob rau ntawm no koj tuaj yeem nrhiav tau ntau yam kev peev txheej ua Lus Hmoob thiab TPT NOW qee cov khoos kas loj nyob rau cov zej zog Hmoob.

Kev Npaj Kom Txhij Rau Huab Cua

Minnesota muaj huab cua phem thawm niaj thawm xyoo. Lub caij ntuj sov yuav tuaj yeem kub li ntawm 40 degrees mus txog rau 90 degrees nyob rau hauv ib hnub, thiab yuav tuaj yeem muaj nag xob nag cua nyob rau tib ntsais muag xwb. Lub caij ntuj no kuj ho yuav tuaj yeem no heev mus txog rau qhov uas ua rau tsis muaj kev nyab xeeb rau kev nyob sab nraum zoov rau sij hawm ntev, thiab cov cua xaus naus kuj los quas kev taug kev mus los thiab kev ua tej qav num uas niaj hnub ua li ib txwm.

Thaum lub sij hawm muaj huab cua phem, TPT NOW yuav muab kev ceeb toom thiab tshaj qhia kom ncav lub sij hawm tseeb tiag ua Lus Askiv, Lus Mev, Lus Hmoob, thiab Lus Somali kom koj thiab koj tsev neeg tuaj yeem nyob muaj kev nyab xeeb tag nrho plaub lub caij. TPT NOW kuj tseem muab cov xov xwm tshiab uas qhia txog tias yuav npaj li cas rau txhua lub caij kom koj tuaj yeem muaj kev lom zem nyob sab nrauv tau thawm niaj thawm xyoo.

Cov Peev Txheej

Tsis hais yog koj xav tau kev pab rau kev kho mob puas hlwb, kev nrhiav hauj lwm, los sis xav txuas lus nrog lwm lub koom haum uas muaj feem xyuam nrog koj lub zej zog, TPT NOW yuav nyob ntawm no los pab koj. Nyob rau ntawm no koj yuav nrhiav tau cov npe ntawm Hmoob cov peev txheej hauv cheeb tsam thiab cov neeg koom tes nrog TPT NOW:
Hmong TV

Hmong American Partnership (HAP)

Hmong 18 Council

Hmong Cultural Center

Coalition of Asian American Leaders (CAAL)

Tus Thawj Tswv Xeev Lub Rooj Tshaj Xov Xwm

TPT NOW tau koom tes nrog Hmong TV los muab cov rooj tshaj xov xwm tsoom hwv uas ncav lub sij hawm tseeb tiag uas Lus Hmoob thaum pib muaj tus kab mob COVID-19 sib kis thiab thaum lub sij hawm uas zej tsoom sawv muaj kev kub ntxhov tom qab kev tua George Floyd tuag. Mus saib tag nrho cov rooj tshaj xov xwm ua Lus Hmoob nyob rau yav dhau los ntawm Hmong TV nplooj Facebook.

Tej zaj txog cov uas kis tau COVID-19

Koob Meej Lis, kuj hu ua Koul Meng nyob hauv Youtube, qhia txog thaum nws kis tau COVID-19, thiab nws tau siv Youtube los qhia rau ib tsoom kwvtij Hmoob txog lub caij ntawd tias zoo li cas.

Nthuav tawm los ntawm TPT NOW thiab lub Minneapolis Foundation

TPT NOW thiab Union Pacific 

TPT NOW thiab Union Pacific xav ua tsaug rau cov uas ua haujlwm tseem ceeb txhua tus uas nyob thoob plaws Twin Cities rau lawv lub dag lub zog thiab rau qhov uas lawv mob siab pab lawv lub zej lub zos rau lub caij uas muaj tus kab mob COVID-19 uas kis thoob ntiajteb.

Txojkev Ua Neej Tshiab: Rov Qab mus Ua Haujlwm & Kawm Ntawv rau lub caij uas muaj COVID-19

Tshaj tawm rau koj los ntawm TPT NOW, Hmoob TV, thiab Blue Cross Blue Shield hauv Xeev Minnesota, cov neg muab kev kawm thiab cov thawj coj hauv zej zog los ntawm Hmoob lub zej zog sib tham txog “lub neej kev coj ua tshiab” – txog kev rov qab mus tom tsev kawm ntawv thiab chaw ua hauj lwm, kev hloov pauv zoo ntawm lub zej zog, thiab cov cai txog kev nyab xeeb thiab kev noj qab haus huv yam tsis tu ncua thaum lawm hais txog Hmob lub zej zog.

Twin Cities PBS

© 2024 Twin Cities Public Television

Top
To Top